بسم الله الرحمن الرحيم مسابقة لكل عملاء وشباب مدينة ادكو ..
بتقدمها مكتبات السلام والقبطان لزبائنها الكرام تشجيعا ليهم ورغبة فى التواصل معهم
عن طريق الشبكة العنكبوتية الانترنت
من خلال صفحتها على الفيس بوك ..
وأيضا المسابقة نجاحها هيعود على مدينة ادكو بصفه عامة
المسابقة بسيطة وسهلة .. وأى حد ممكن يشترك فيها
طيب إيه المطلوب منك ...! عشان تشترك فى المسابقة
المطلوب :
1. عمل فكرة بسيطة او اقتراح سهل لنظافة مدينة ادكو
2. تكون بسيطة وسهلة ومش مكلفة ومعظم الناس تقدر عليها
3. هتحاول تلخص فكرتك على قد ما تقدر
الغرض من المسابقة :
1- ممكن فكرة من الأفكار تكون سبب فعلا فى نظافة المدينة
2- نفكر ونجتهد ونعمل اللى علينا
3- تفاعل اكتر مع أعضاء مكتبات السلام والقبطان
4- الدعاية بشكل مختلف
5- حب المدينة والارتقاء بيها
6- يمكن حد من المسئولين تعجبة الفكرة .. وعلى رأى المثل اللى بيقول يوضع سره فى اضعف خلقة
بعد ما تخلص الفكرة :
ترفعها على صفحة الفيس بوك الخاصة بالمكتبة باسمك
وتخلى كل أصحابك يعملولك لايك ( إعجاب ) عليها ..
على صفحة مكتبات السلام والقبطان
ليست هناك تعليقات:
إرسال تعليق